ಬಹೂಪಯೋಗಿ ಹೀರೇ ಕಾಯಿ...!

ಹೀರೇ ಕಾಯಿ ಅಂತೊಂದು ತರಕಾರಿ ಇದೆ, ಅದು ಪಲ್ಯ-ಚಟ್ಣಿ-ಸಾಂಬಾರು ಮಾಡಲು ಉಪಯೋಗಕ್ಕೆ ಬರುತ್ತದೆ, ಎಂದಷ್ಟೇ ತಿಳಿದಿತ್ತು...
ಹೀಗೂ ಉಂಟೆಂದು ಗೊತ್ತಿರಲಿಲ್ಲ...!!

.
.
.
ಅದೇನಾಯಿತೆಂದರೆ,
ಮೊನ್ನೆ ಊರಿನಿಂದ ಬಂದ ದೊಡ್ಡಮ್ಮ ಇದನ್ನು ತಂದಿದ್ದರು...

ಹೀಗಿದೆ :)   

ಬೆಳೆದು ಹಣ್ಣಾದ ಹೀರೆಯು ಒಣಗಿದಾಗ ಹೀಗಾಗುತ್ತದೆ. ಅದರ ಹಸುರು ಬಣ್ಣ-ಹಳದಿಯಾಗಿ-ಸತ್ವ ಪೂರ್ತಿ ಹೋದಮೇಲಿನ ಸ್ಥಿತಿ ಇದು. ಅದರ ನಾರುಗಳು ಪರಸ್ಪರ ಬೆಸೆದುಕೊಂಡಿದ್ದು ಈ ಆಕಾರ ಮತ್ತು ಬಣ್ಣ ಬಂದಿದೆ.
ಬಹಳ ಗಟ್ಟಿಯಿದ್ದು, ಸುಲಭವಾಗಿ ಕೈಯಲ್ಲಿ ಹರಿಯಲು ಬರುವುದಿಲ್ಲ..

ಕೈಗೂ ಹಿತ- ಪಾತ್ರೆಯೂ ಸ್ವಚ್ಛ :)

ವ್ಯರ್ಥವೆಂದು ಬಿಸಾಕಿ ಬಿಡಬೇಕಿಲ್ಲ, ಪಾತ್ರೆ ತಿಕ್ಕಿ ತೊಳೆಯಲು ತುಂಬ ಒಳ್ಳೆಯದಾಗುತ್ತದೆ ಎಂದರು.
ಪ್ಲಾಸ್ತಿಕ್ ಅಥವಾ ಸ್ಪಂಜಿನಿಂದ ಮಾಡಿದಂತಲ್ಲ ಇದು, ಪ್ಲಾಸ್ತಿಕ್ ಗಿಂತ ಹಗುರ ಮತ್ತು ಮೃದು - ಸ್ಪಂಜಿಗಿಂತ ತೂಕ ಮತ್ತು ಗಟ್ಟಿ..
ನೈಸರ್ಗಿಕ Dish wash ಸಾಧನ:)

ಹಸಿ ಹೀರೆ

ನಿಮ್ಮ ಮನೆಯಲ್ಲಿ ಹೀರೆ ಬೆಳೆಯುವ ಅವಕಾಶವಿದ್ದರೆ ಮಾಡಿನೋಡಿ, ಹಸಿ ಹೀರೆಯನ್ನೇ ಹಣ್ಣು ಮಾಡಿದರೆ ಈ ರೀತಿ ಬರುವುದಿಲ್ಲ :( ಹಾಗಾಗಿ ಬೆಳೆದೇ ಆಗಬೇಕು.

ಸುಲಭದಲ್ಲಿ ಬಹಳ ಕಾಲ ಬಾಳಿಕೆ ಬರುವಂಥದ್ದು ಸಿಕ್ಕಿತು.
ಇದನ್ನು ಶೇಖರಿಸಿಯೂ ಇಡಬಹುದಂತೆ. :)

ಹಳ್ಳಿಯಲ್ಲಿ - ಪ್ರಕೃತಿಯಲ್ಲಿ ಎಂಥೆಂತಾ technology ಇರ್ತದೆ ಮಾರ್ರೆ...!
ನಾವು ಪೇಟೆಯಲ್ಲಿ - ಹೊರಗಡೆ ಹುಡುಕ್ತೇವೆ..!
ಸ್ವಲ್ಪ ಒಳಗಡೆ ಆಚೀಚೆ ನೋಡಿದ್ರೆ ಆಯ್ತು.. ಅಲ್ಲೇ ಇರ್ತದೆ. :) :)